Jesaja 41:31 – maar die wat op die Here wag, kry nuwe krag; hulle vaar op met vleuels soos die arende; hulle hardloop en word nie moeg nie, hulle wandel en word nie mat nie.

Jesaja 41:10 – Wees nie bevrees nie, want Ek is met jou, kyk nie angstig rond nie, want Ek is jou God. Ek versterk jou, ook help Ek jou, ook ondersteun Ek jou met my reddende regterhand.

Elkeen van ons was al moedeloos of teleurgesteld. Die lewe verloop nie altyd soos ons dit beplan nie en ons beland soms in situasies wat ons nie kan hanteer nie. Daar gebeur dinge wat ons in ons wildste drome glad nie kon dink nie.

As jy vandag moeg en afgemat is, begin op die regte plek – by God. Dan sal jy die teenwoordigheid van Sy Gees ervaar, wat jou met vertroue, moed en uitsig op die toekoms vul.